राज्यात KCC 2022 – किसान क्रेडिट कार्ड वाटप मोहीम सुरू
Kisan credit cards ( KCC ) for pm kisan beneficiary
देशात pm kisan च्या सर्व पात्र लाभार्थ्यांना किसान क्रेडिट कार्ड ( KCC) देण्याचा निर्णय केंद्र शासनाच्या माध्यमातून घेण्यात आला होता मात्र अद्याप ही बरेच शेतकरी या किसान क्रेडिट पासून वंचित आहेत, या लाभार्थ्यांना kisan credit card मिळवून देण्यासाठी एक नवीन मोहीम केंद्र शासनाच्या माध्यमातून राबविली जाणार आहे.
किसान भागीदारी प्राथमिकता हमारी अंतर्गत kcc
किसान भागीदारी प्राथमिकता हमारी अस या मोहिमेचे नाव असणार आहे.
#किसान_भागीदारी_प्राथमिकता_हमारी मोहिमेचा रविवारी २४ एप्रिल २०२२ रोजी शुभारंभ सुरू होणार असून, प्रधानमंत्री किसान सन्मान निधी योजनेअंतर्गत लाभधारक सर्व शेतकऱ्यांना देशातील बँकिंग व्यवस्थेअंतर्गत पिक कर्ज म्हणजे किसान क्रेडिट कार्ड उपलब्ध करून देण्यासाठी ही मोहिम राबविली जाणार आहे.
किसान भागीदारी प्राथमिकता हमारी या मोहिमेअंतर्गत राज्यामध्ये किसान क्रेडिट कार्ड वाटपाकरीता विशेष मोहीमेचे 24 एप्रिल 2022 ते 1 मे 2022 या कालावधीत आयोजन करण्यात आले आहे.
प्रधानमंत्री शेतकरी सन्मान निधी (PM kisan ) योजनेचा लाभ मिळणाऱ्या राज्यातील सर्व शेतकऱ्यांना किसान भागीदारी प्राथमिकता हमारी या मोहिमेअंतर्गत किसान क्रेडिट कार्ड ( KCC ) योजनेचा लाभ मिळणार आहे.
हे अभियान स्वातंत्र्याचा अमृत महोत्सव वर्षानिमित्ताने सुरू असलेल्या आत्मनिर्भर भारत अभियानाचा भाग म्हणून शेतकऱ्यांना किसान क्रेडिट कार्ड (केसीसी) वाटपासाठी देशभरात मोहीम स्वरूपात राबवले जाणार आहे.
विशेष ग्रामसभा आयोजन
कीसान भागीदारी प्राथमिकता हमारी या मोहीमेअंतर्गत राज्यात दिनांक 24 एप्रिल 2022 ते 1 मे 2022 या कालावधीत सर्व ग्रामपंचायतीमध्ये विशेष ग्रामसभा देखील आयोजीत करण्यात येणार आहेत.
सध्या राज्यात लाखो शेतकरी पी एम किसान ( pm kisan sanman nidhi yojana) योजनेचा लाभ घेत असून त्यापैकी अनेक शेतकरी किसान क्रेडिट कार्ड पासून वंचित आहेत याकरीता विशेष ग्रामसभा आयोजीत करून शेतकऱ्यांना पिक कर्ज ( KCC ) वाटप केले जाईल.
किसान भागीदारी प्राथमिकता हमारी या मोहिमेत शासनाचे कृषी, महसूल, ग्रामविकास, पशुसंवर्धन व दुग्ध व्यवसाय, मत्स्य संवर्धन विभाग, नाबार्ड आणि सर्व बँका सहभागी होणार आहेत.
राज्यभर ही मोहीम जिल्हाधिकारी यांच्या मार्गदर्शनाखाली राबविली जाणार आहे.
राज्यातील सर्व बँका त्यांच्या कार्यक्षेत्रातील गावामध्ये केसीसी ( KCC ) अर्ज उपलब्ध करून देतील व शेतकऱ्यांचे अर्ज जमा करून केसीसी स्वरूपात पीककर्ज वाटप करतील.
या मोहिमेतर्गत सर्व शेतकऱ्यांनी किसान भागीदारी प्राथमिकता हमारी या मोहिमेमध्ये सहभाग घेऊन किसान क्रेडिट कार्ड योजनेचा लाभ घ्यावा, असे आवाहन महसूल व कृषी विभागाच्या माध्यमातून करण्यात आले आहे.
पिक विमा पाठशाळा
याचबरोबर प्रधानमंत्री पिक विमा योजनेअंतर्गत विमा कंपन्याचे जिल्हा व्यवस्थापक हे कृषि विभागाच्या समन्वयाने ग्रामसभेत पंतप्रधान पिक विमा योजना या योजनेविषयी माहिती लोकांपर्यंत पोहचवतील.
याचबरोबर दिनांक 26 एप्रिल 2022 रोजी गावनिहाय पिक विमा पाठशाळेचे आयोजन केले जाणार आहे. या पाळशाळेतही शेतकऱ्यांना प्रधानमंत्री पिक योजनेबाबत माहिती देऊन शेतकऱ्यांचा यात सहभाग वाढविण्याच्या दृष्टिने प्रयत्न केला जाणार आहे. किसान भागीदारी प्राथमिकता हमारी या मोहिमेअंतर्गत सर्व विभागाच्या समन्वयातून हा उपक्रम राबविला जात असल्याची माहिती कृषि आयुक्त धीरज कुमार यांनी दिली.
What is KCC – watch here
किसान भागीदारी प्राथमिकता हमारी मोहीम
