खुशखबर ! आता अवघ्या काही मिनिटात शेतकऱ्यांना पीक कर्ज ekcc 2024

खुशखबर ! शेतकऱ्यांना ५ मिनिटांत मिळणार कर्ज , नाबार्डनं RBI सोबत केला करार; घेऊया जाणून काय होणार फायदा.

Ekcc nabard NABARD-RBI Innovation Hub partnership

शेतकऱ्यांना पीक कर्जासाठी मोठी प्रतीक्षा करावी लागते अगदी महिन्याचा कालावधी देखील जातो, हीच प्रक्रिया आता सुलभ होणार आहे. यासाठी नाबार्ड आणि आरबीआयएच दरम्यान एक सामजस्य करार झाला आहे. नाबार्डचे अध्यक्ष आणि रिझर्व्ह बँकेचे मुख्य कार्यकारी अधिकारी राजेश बन्सल यांनी भागीदारी करारावर स्वाक्षरी केली.

या करारानुसार नाबार्ड आपल्या ई-केसीसी लोन (e-KCC loan) प्लॅटफॉर्मला रिझर्व्ह बँकेच्या मालकीच्या असलेल्या रिझर्व्ह बँक इनोव्हेशन हबच्या (RBIH) च्या पब्लिक टेक प्लॅटफॉर्म फॉर फ्रिक्शनलेस क्रेडिट (PTPFC) जोडणार आहे.

नाबार्ड कडून सहकारी बँका आणि प्रादेशिक ग्रामीण बँकांसाठी डिजिटल किसान क्रेडिट कार्ड (eKCC) कर्ज प्रक्रिया सुलभ करण्यासाठी हा डिजिटल क्रेडिट सिस्टम प्लॅटफॉर्म तयार केलेला आहे.

कृषी पीक कर्जाच्या या डिजिटायझेशनमुळे बँकांची कार्यक्षमता सुधारेल आणि शेतकऱ्यांना देखील त्वरित कर्ज पुरवठा होणार आहे.

या सुलभ व जलद प्रक्रियेमुळे ग्रामीण भागाच्या समृद्धीला चालना मिळणार आहे. भागीदारीमुळे कर्जाची प्रक्रिया सुरळीत होईल आणि देशातील १२ कोटी शेतकऱ्यांसाठी कर्ज वाटपाचा कालावधी तीन-चार आठवड्यांवरून केवळ पाच मिनिटांवर येईल.