NBS Scheme 2026 शेतकऱ्यांसाठी आनंदाची बातमी: केंद्राचा मोठा निर्णय

शेतकऱ्यांना मोठा दिलासा अखेर केंद्र शासनाची खात अनुदान योजना ( NBS Scheme 2026 ) राबविण्यास मंजुरी; खताची भाव वाढ टळली

NBS Scheme 2026 for Kharif

खरीप हंगामाच्या तोंडावर देशातील कोट्यवधी शेतकऱ्यांसाठी केंद्र सरकारने एक मोठा आणि दिलासादायक निर्णय घेतला आहे. खरीप हंगाम २०२६ साठी खत अनुदान योजना अर्थात NBS (Nutrient Based Subsidy) योजनेला केंद्रीय मंत्रिमंडळाने मंजुरी दिली आहे. यामुळे आंतरराष्ट्रीय बाजारात खतांच्या किमती वाढल्या असल्या तरी, भारतीय शेतकऱ्यांना मात्र आहे त्याच जुन्या दरात खते मिळणार आहेत.

केंद्रीय मंत्रिमंडळ बैठक निर्णय ०८ एप्रिल २०२६

८ एप्रिल २०२६ रोजी पंतप्रधान नरेंद्र मोदी यांच्या अध्यक्षतेखाली केंद्रीय मंत्रिमंडळाची महत्त्वाची बैठक पार पडली. या बैठकीत १ एप्रिल २०२६ ते ३० सप्टेंबर २०२६ या कालावधीसाठी खतांवरील अनुदानास (Subsidies) मंजुरी देण्यात आली. गेल्या काही दिवसांपासून खतांचे भाव वाढणार असल्याची भीती व्यक्त केली जात होती, मात्र या निर्णयामुळे त्या चर्चेला पूर्णविराम मिळाला आहे.

खरीप हंगाम 2026 करीत 01.04.2026 ते 30.09.2026 या कालावधी साठी फॉस्फेटिक आणि पोटॅसिक (पी अँड के) खतांवरील पोषक तत्त्व आधारित अनुदान ( NBS Scheme ) दर निश्चित करण्याच्या प्रस्तावाला केंद्र शासनाने मंजुरी दिली आहे. खरीप हंगाम 2026 साठी या योजनेकरिता सुमारे 41,533.81 कोटी रुपयांची तरतूद करण्यात आली आहे.हि तरतूद गेल्या हंगामाच्या तुलनेत ४३१७ कोटी रुपये इतकी जास्त आहे. जागतिक स्तरावर कच्च्या मालाच्या किमती वाढल्या असल्या तरी, सरकारने अनुदानाची रक्कम वाढवून शेतकऱ्यांवरील आर्थिक भार स्वतः उचलला आहे.

कोणत्या खतांवर मिळणार अनुदान ( NBS Scheme 2026 )

NBS योजनेअंतर्गत नत्र (N), स्फुरद (P), पालाश (K) आणि गंधक (S) यांसारख्या पोषक तत्वांवर आधारित खतांना अनुदान दिले जाते. DAP (डाय-अमोनियम फॉस्फेट), NPK चे विविध ग्रेड्स २८ प्रकारची विविध मिश्र खते.