KCC किसान क्रेडिट कार्ड धारकांना २ लाख बिनव्याजी कर्ज

KCC राज्यातील किसान क्रेडिट कार्ड धारक मच्छीमार, मत्स्य व्यावसायिकांना २ लाख रुपयापर्यंतच बिनव्याजी कर्ज, शासन निर्णय निर्गमित

KCC

राज्यात पशुपालन व मत्स्य पालन व्यवसायाला कृषी समकक्ष दर्जा देण्यात आलेला आहे, याच पार्श्वभूमीवर राज्यातील KCC धारक मच्छीमार बांधवाना एक दिलासा देणारा निर्णय राज्य शासनाने घेतला आहे.

४ नोव्हेंबर रोजी पार पडलेल्या मंत्रिमंडळाच्या बैठकीत राज्यातील KCC धारक मच्छीमार बांधवांना ४% व्याज सवलत देण्याचा निर्णय घेतला आहे.

GR PDF 04.11.2025 KCC for Fisherman

मच्छिमार, मत्स्यसंवर्धक व मत्स्यकास्तकारांना बॅंकाकडून दिल्या जाणाऱ्या रु.2.0 लाखाच्या अल्प मुदतीच्या खेळत्या भांडवली कर्जावर राज्य शासनामार्फत ४ टक्के व्याज परतावा सवलत

Main Features of scheme

मत्स्यव्यवसायाशी संबंधित क्षेत्रात कार्यरत असणाऱ्या घटकांना त्यांच्या व्यवसायासाठी लागणारे खेळते भांडवली कर्ज सहज उपलब्ध व्हावे आणि त्यावरील व्याजाचा भार कमी व्हावा, हा या योजनेमागील मुख्य उद्देश आहे. राज्य शासनाने या माध्यमातून मच्छिमारांना स्थिर आर्थिक आधार देऊन त्यांची उत्पादनक्षमता वाढविण्याचे लक्ष्य ठेवले आहे.

Beneficiaries’ for scheme

मच्छिमार ( KCC धारक असणे आवश्यक ), मत्स्यकास्तकार, मत्स्यउत्पादक, मत्स्यव्यवस्थापन व मत्स्यबीज संवर्धक, पोस्ट हार्वेस्टिंग क्षेत्रातील वर्गीकरण, प्रतवारी, आवेष्ठन व साठवणूक करणारे व्यावसायिक.

या सर्व घटकांना बँकांमार्फत ₹२.० लाखांपर्यंतचे खेळते भांडवली कर्ज मिळेल. या कर्जावर राज्य शासनाकडून ४% व्याज परतावा सवलत दिली जाईल.

लाभार्थ्याने कर्ज उचल केलेल्या तारखेपासून एक वर्षाच्या आत पूर्ण परतफेड करणे आवश्यक राहील. ही अट पूर्ण केल्यासच त्यांना व्याज परतावा सवलत मिळणार आहे.

लाभार्थ्याचा अर्ज संबंधित बँकेमार्फत जिल्हा उपनिबंधक (सहकारी संस्था) यांचेकडे सादर केला जाईल. कर्ज मंजुरी व वितरणाची कार्यवाही राष्ट्रीयकृत, खाजगी, ग्रामीण तसेच जिल्हा मध्यवर्ती सहकारी बँकांकडून केली जाईल. जिल्हा स्तरावर अंमलबजावणीदरम्यान येणाऱ्या अडचणी सोडविण्यासाठी सहायक आयुक्त (मत्स्यव्यवसाय) आणि जिल्हा उपनिबंधक/सहायक निबंधक (सहकारी संस्था) यांच्यात समन्वय साधला जाईल.